Қазақстан Республикасы Тәуелсіздігінің 30 жыл толуына орай өткізілген іс шаралар

Мектебімізде Қазақстан Республикасы Тәуелсіздігіне 30 жыл толу мерекесіне сынып жетекшілер "Тәуелсіздік - тірегім" тақырыбында тәрбие сағаттарын өткізді. Тәлімгер Тыныбаева Гүлназ Даулетовна "Жас Қыран" "Жас Ұлан"  балалар мен жасөспірімдер ұйымына 1 және 5 сынып оқушылары ант қабылдау салтанатты жиынын өткізді. Салтанатты жиын мерекелік кешпен жалғасты, кеште директордың тәрбие ісі жөніндегі орынбасары Анаргүл Төкенқызы ата-аналар мен оқушыларды тәуелсіздік мерекесімен құттықтады. 
  Домбыра үйірмесінің жетекшісі Сүлейменов Ахметқали Шаяхметұлы "Домбыра дастан" атты мерекелік кеш ұйымдастырды.  Оқушылар жыл бойы үйренген күйлерін көрермендерге ұсынды. 6-сынып оқушысы Слямбек Алтай мен 9-сынып оқушысы Жалелов Нұрсұлтан күй тартысқа түсіп, халықтың қошеметіне бөленді.